غزہ میں مستقل امن قائم نہ ہوسکا، جنگ بندی کی خلاف ورزیاں جاری ہیں، ماریہ زخارووا
39
رپورٹ: شاہد گھمن، نمائندہ دنیا نیوز روس
Shahid Ghumman, Correspondent Dunya News Russia
ماسکو میں روسی وزارت خارجہ کی ہفتہ وار پریس بریفنگ کے دوران دنیا نیوز کے نمائندے شاہد گھمن نے ترجمان ماریہ زخارووا سے پاکستان کے وزیراعظم محمد شہباز شریف کے دسمبر کے آغاز میں متوقع دورۂ ماسکو اور روسی صدر ولادیمیر پوتن سے ممکنہ ملاقات کے بارے میں سوال کیا۔ زخارووا نے کہا کہ اعلیٰ سطح کے مذاکرات کے شیڈول اور ایجنڈے سے متعلق معلومات روسی صدارتی انتظامیہ جلد فراہم کرے گی، اور پاکستان روس دوطرفہ تعلقات کی موجودہ صورتحال سے متعلق وزارت خارجہ کا جائزہ بھی جلد فراہم کردیا جائے گا۔ اسی بریفنگ میں غزہ کی پٹی میں جنگ بندی کے باوجود اسرائیلی حملوں اور شہریوں کی ہلاکتوں پر سوال کے جواب میں زخارووا نے کہا کہ غزہ میں مستقل امن قائم نہیں ہوسکا اور جنگ بندی کی منظم خلاف ورزیاں ریکارڈ کی جارہی ہیں۔ انہوں نے کہا کہ غزہ میں انسانی صورتحال بدستور تباہ کن ہے، پینے کے پانی، خوراک، ایندھن، ادویات اور دیگر بنیادی ضروریات کی شدید قلت ہے، اور اسرائیلی حکام سے مطالبہ کیا کہ وہ انسانی امداد کی بلا رکاوٹ رسائی بحال کریں۔
وائس آف رشیا پر مکمل خبر: https://voiceofrussia.net/?p=10500
شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
