پاکستان کی صورتحال پر ملک شہباز کا انٹرویو، صدر پاکستان کمیونٹی روس
پاکستان کمیونٹی روس کے صدر ملک شہباز کا کہنا ہے کہ پاکستان کی موجودہ صورتحال پر اوورسیز پاکستانی شدید پریشان ہیں۔ انہوں نے کہا کہ پاکستان کی موجودہ حکومت عام آدمی کو ریلیف دینے میں ناکام ہو چکی ہے اور بہتری اسی میں ہے کہ جلد از جلد تمام فریق بیٹھ کر بات کریں تاکہ ملک میں سیاسی استحکام پیدا ہو۔ انہوں نے ماسکو میں نمائندہ 92 نیوز شاہد گھمن سے گفتگو کرتے ہوئے کہا کہ پاکستان میں کچھ عرصے سے جو حالات ہیں وہ بہت زیادہ خراب ہیں۔ ان کی تمام پاکستانی ریاستی اداروں سے گزارش ہے کہ وہ سب فریقوں کے ساتھ بیٹھ کر اس کا کوئی پرامن حل نکالیں کیونکہ دنیا میں ہماری بہت زیادہ بدنامی ہو رہی ہے۔ انہوں نے کہا کہ الیکشن جمہوری طریقہ ہے اور جسے عوام منتخب کریں وہی آئے، کوئی بھی پارٹی آئے تو بیٹھ کر آپس میں یہ جو نفرتیں پھیلائی جا رہی ہیں یہ اچھی چیز نہیں ہے کیونکہ نفرتوں کا جو نقصان ہوتا ہے اس میں کسی کا فائدہ نہیں ہوتا۔ مہنگائی کے حوالے سے ان کا کہنا تھا کہ اس وقت پاکستان میں مہنگائی ہے، پوری دنیا میں مہنگائی ہے لیکن پاکستان میں مہنگائی اس لیے زیادہ ہے کہ تنخواہیں بہت کم ہیں۔ ان کا کہنا تھا کہ جتنی مہنگائی ایک سال میں بڑھ گئی ہے، تقریباً اتنی مہنگائی پچھلے پچھتر سالوں میں کبھی نہیں بڑھی۔ ان کا کہنا تھا کہ موجودہ حکومت کو چاہیے کہ وہ غریب آدمی کے لیے کوئی بہتر پیکج دے تاکہ غریب آدمی دو وقت کی روٹی کھا سکے اور اس کی پریشانی میں کمی آئے۔ الیکشن کے حوالے سے ان کا کہنا تھا کہ جمہوری عمل میں جس پارٹی کو عوام زیادہ پسند کرتی ہے وہ اقتدار میں آ جاتی ہے اور جو نہیں جیتتی وہ اپوزیشن میں آ جاتی ہے۔ موجودہ حکومت سے مطمئن ہونے کے سوال پر ان کا کہنا تھا کہ جو حالات ہیں اس میں دنیا کا کوئی بھی باشعور انسان مطمئن نہیں ہو سکتا۔ انہوں نے کہا کہ عوام کی بجلی، پٹرول اور گیس کی مہنگائی کی مشکلات کو دیکھ کر حکومت کو چاہیے کہ وہ عوام کو ریلیف دے۔ ان کا کہنا تھا کہ روسی شہری بھی ان سے پاکستان کی موجودہ صورتحال کے بارے میں سوال کرتے ہیں۔ انہوں نے کہا کہ سابق وزیراعظم پر پچاسی مقدمات ہیں جن میں غداری، قتل اور بغاوت کے مقدمات شامل ہیں۔ ان کا کہنا تھا کہ اگر کوئی بھی انسان جرم کرتا ہے تو اسے سزا ملنی چاہیے اور انصاف سب کے ساتھ ایک جیسا ہونا چاہیے، چاہے وہ وزیراعظم ہو، صدر ہو یا عام غریب آدمی۔ آخر میں انہوں نے اوورسیز پاکستانیوں کو پیغام دیا کہ پاکستان ہمارا گھر ہے اور سب کو چاہیے کہ مل بیٹھ کر امن اور خوشحالی کے لیے کام کریں۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
