ورلڈ یوتھ فیسٹیول 2024 سوچی میں آئی سی ایف کے صدر فخرالدین گوزیت کا انٹرویو
انٹرنیشنل کیمپ فیلوشپ کے صدر فخرالدین گوزیت نے سوچی میں ورلڈ یوتھ فیسٹیول کے موقع پر نمائندہ 92 نیوز شاہد گھمن سے خصوصی گفتگو کی۔ ان کا کہنا تھا کہ ان کی تنظیم ایک سو دس ممالک میں فلاحی کاموں میں مصروف ہے۔ جہاں مقامی اسکول کام نہیں کرتے، وہاں ان کی تنظیم کیمپوں کے ذریعے کام کر رہی ہے۔ انہوں نے کہا کہ مجھے بہت خوشی ہے کہ روسی حکومت نے ڈیڑھ سو ممالک سے ڈھائی ہزار سے زائد افراد کو ایک جگہ جمع کر کے نوجوانوں کو اپنے مستقبل کے بارے میں بات کرنے کا موقع دیا۔ ان کا کہنا تھا کہ سب کچھ بہترین انداز میں چل رہا ہے اور نوجوان مختلف سیشنز میں شریک ہو کر دنیا بھر کے ممتاز مقررین اور رہنماؤں کو سن رہے ہیں۔ انہوں نے کہا کہ وہ اس شاندار تقریب کو دیکھ کر بہت متاثر ہوئے ہیں اور منتظمین کا شکریہ ادا کرتے ہیں۔ ان کا کہنا تھا کہ یہاں پچیس ہزار سے زائد شرکا اور ایک سو اسی سے زائد ممالک موجود ہیں اور یہ نوجوانوں کو اکٹھا کر کے ان کے مستقبل پر بات کرنے کا بہترین موقع ہے۔ ان کا کہنا تھا کہ انٹرنیشنل کیمپ فیلوشپ دنیا کی سب سے بڑی کیمپ کمیونٹی ہے جس کے چالیس ہزار کیمپ ہیں جبکہ امریکہ میں پندرہ ہزار کیمپ ہیں اور چین بھی کیمپوں کی تعلیم کو بہت اہمیت دے رہا ہے۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
