روس بھر میں مرنے والوں کی کل تعداد313جبکہ کورونا وائرس کے متاثرین کی تعداد 36793ہو چکی ہے

روس میں کرونا وائرس کی صورتحال گمبھیر ہوتی جا رہی ہے، لاک ڈاؤن کے باوجود روز بروز کرونا وائرس کے متاثرین اور ہلاکتوں میں اضافہ ہوتا جا رہا ہے۔ روس میں گزشتہ چوبیس گھنٹوں میں چالیس افراد ہلاک اور چار ہزار سات سو پچاسی افراد اس مرض کا شکار ہو گئے ہیں۔ اس طرح روس بھر میں مرنے والوں کی کل تعداد تین سو تیرہ جبکہ کرونا وائرس کے متاثرین کی تعداد چھتیس ہزار سات سو ترانوے ہو چکی ہے۔ تین ہزار سے زائد افراد اس مرض سے صحت یاب بھی ہو چکے ہیں۔ دارالحکومت ماسکو کرونا وائرس کا مرکز بنا ہوا ہے، ماسکو میں اب تک ایک سو تینتالیس افراد ہلاک جبکہ اکیس ہزار کے قریب لوگ اس مرض میں مبتلا ہو چکے ہیں۔ یہ بھی بتاتا چلوں کہ ماسکو میں چوتھی مرتبہ بڑے پیمانے پر اینٹی کرونا اسپرے کیا جا رہا ہے۔ روس میں لوگ اس سال ایسٹر گھروں میں منا رہے ہیں جبکہ روسی صدارتی ترجمان کے مطابق روسی صدر ولادیمیر پوتن بھی چرچ جانے کی بجائے گھر میں ہی ایسٹر منائیں گے۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News