گورنر بلوچستان جعفر خان مندوخیل کا روس میں شاہد گھمن کو خصوصی انٹرویو

گورنر بلوچستان جعفر خان مندوخیل نے روس کے دورے کے دوران سینٹ پیٹرزبرگ میں نمائندہ دنیا نیوز روس شاہد گھمن کو خصوصی انٹرویو دیا۔ انہوں نے کہا کہ پاکستان اور روس کے تعلقات بہترین سطح پر ہیں، اور اس دورے کے دوران تعلیم، زراعت، تحقیق اور خوراک کے شعبوں میں معاہدے ہوئے۔ گورنر نے کہا کہ وہ روس کی تعلیمی اداروں کا دورہ کرنے آئے ہیں اور مختلف تحقیقی ٹیکنالوجیز میں تبادلے کا پروگرام بنایا ہے، کیونکہ روس کی تعلیم کسی بھی طریقے سے دوسرے مغربی ممالک سے کم نہیں ہے۔ انہوں نے بتایا کہ پاکستان کے قونصل جنرل نے ان کی یہاں ملاقاتیں کرائیں، جن میں گورنر سے ملاقات اور کاروباری برادری سے ملاقات شامل ہے، اور کاروباری برادری نے پانی کے شعبے، پانی صاف کرنے اور خوراک کے شعبے میں پاکستان میں سرمایہ کاری میں دلچسپی ظاہر کی ہے۔ انہوں نے کہا کہ انہوں نے ہرمیٹیج میوزیم کا دورہ کیا جو دنیا کا سب سے بڑا میوزیم ہے اور لوور سے بھی بہتر ہے۔ گورنر نے کہا کہ پاکستان روس تعلقات ہر حالت میں بہتر ہونے چاہئیں، کیونکہ روس نے کبھی پاکستان کے کسی مخالف کی اندرونی طور پر حمایت نہیں کی اور وہ ایک قابل اعتماد دوست ہے۔ انہوں نے کہا کہ بلوچستان کے بارے میں منفی پروپیگنڈا کیا جا رہا ہے، صوبے میں کچھ اندرونی اضلاع میں مسائل ضرور ہیں لیکن حالات اتنے خراب نہیں جتنے بتائے جاتے ہیں، اور ان مسائل پر مل کر قابو پایا جائے گا۔

رپورٹ: شاہد گھمن، نمائندہ دنیا نیوز روس
Shahid Ghumman, Correspondent Dunya News Russia