سفارتخانہ پاکستان ماسکوکی جانب سے لاک ڈائون کی وجہ سے ماسکو ،سینٹ پیٹرزبرگ سمیت روس کے دیگر شہروں میں پھنسے پاکستانیوں میں راشن تقسیم گیا
پاکستانی سفارت خانے کی جانب سے ماسکو اور سینٹ پیٹرزبرگ سمیت روس کے دیگر شہروں میں پھنسے پاکستانیوں میں راشن تقسیم کیا گیا۔ اس احسن اقدام پر پاکستانیوں نے پاکستانی سفیر شفقت علی خان کا خصوصی طور پر شکریہ ادا کیا۔ روس کے دارالحکومت ماسکو میں کثیر تعداد میں پاکستانی طلبہ زیر تعلیم ہیں جو لاک ڈاؤن کی وجہ سے ہوسٹل تک محدود رہ گئے تھے اور پیسے ختم ہونے کی وجہ سے شدید مشکلات کا سامنا کرنا پڑا تھا۔ وزیراعظم پاکستان عمران خان کے احکامات کی روشنی میں پاکستانی سفارت خانے کی جانب سے راشن تقسیم کیا جا رہا ہے جسے پاکستانی کمیونٹی نے بے حد سراہا ہے۔ سائبیریا کے شہر ٹومسک میں مقیم ایک پاکستانی طالب علم نے بتایا کہ وہاں پچھلے دس دنوں سے لوگ کھانے کو ترس رہے ہیں اور وہاں سردی بہت زیادہ ہوتی ہے، اس وقت بھی درجہ حرارت منفی دس ہے۔ انہوں نے بتایا کہ ماسکو میں سفارت خانہ پاکستان نے ان سے رابطہ کیا اور انہیں مالی مدد فراہم کی ہے۔ انہوں نے کہا کہ کرونا وائرس کی وجہ سے شہر میں کرفیو لگ چکا ہے اور گروسری اسٹورز میں طلبہ کو اشیائے خوردونوش کی بہت زیادہ ضرورت تھی، لیکن اس مشکل وقت میں سفارت خانہ پاکستان اور حکومت پاکستان نے ان کی بہت زیادہ مدد کی اور انہیں گروسری فراہم کی ہے۔ پاکستانیوں کا اس طرح خیال رکھنے اور راشن فراہم کرنے پر پاکستانی کمیونٹی نے سفیر پاکستان شفقت علی خان، حکومت پاکستان اور بالخصوص وزیراعظم پاکستان عمران خان کا شکریہ ادا کیا ہے۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
