دنیا نیوز کی 17ویں سالگرہ کی پر وقار تقریب سینٹ پیٹرزبرگ، روس میں منعقد ہوئی، رپورٹ شاہد گھمن نمائندہ دنیا نیوز روس
روس کے تاریخی اور ثقافتی شہر سینٹ پیٹرزبرگ میں پاکستان کمیونٹی کی جانب سے دنیا نیوز کی سترہویں سالگرہ بھرپور جوش و جذبے کے ساتھ منائی گئی جس میں پاکستانی اور روسی کمیونٹی کی نامور شخصیات نے بڑی تعداد میں شرکت کر کے دنیا نیوز کی خدمات کو سراہا اور خوشی کا اظہار کیا۔ تقریب میں شریک مہمانوں میں چوہدری یاسین، کامران شاہد، نعیم محسن اور آصف صدیقی سمیت دیگر نمایاں شخصیات شامل تھیں جنہوں نے دنیا نیوز کی پاکستان اور بیرون ملک صحافت میں خدمات کو سراہا۔ تقریب کے دوران شرکا نے دنیا نیوز کی سترہ سالہ کامیاب صحافتی جدوجہد کو خراج تحسین پیش کرتے ہوئے سالگرہ کا کیک کاٹا اور دنیا نیوز کے لیے نیک تمناؤں کا اظہار کیا۔ اس موقع پر شرکا نے دنیا نیوز سے گفتگو کرتے ہوئے کہا کہ دنیا نیوز نے ہمیشہ ذمہ دارانہ اور بامقصد صحافت کو فروغ دیا ہے اور امید ظاہر کی کہ دنیا نیوز مستقبل میں بھی اسی طرح عالمی سطح پر پاکستانی کمیونٹی کے مسائل، آواز اور نکتہ نظر کو اجاگر کرتا رہے گا۔ شرکا نے کہا کہ دنیا نیوز پاکستان اور روس کے درمیان ایک پل کا کردار ادا کر رہا ہے اور روس کی بہت سی خبریں جو پاکستان نہیں پہنچتیں وہ دنیا نیوز کے ذریعے پاکستانی عوام دیکھتے ہیں اور پاکستان کی بہت سی خبریں جو روس میں چاہیے ہوتی ہیں وہ بھی دنیا نیوز سے حاصل کرتے ہیں۔ سینٹ پیٹرزبرگ میں منائی گئی یہ سالگرہ کی تقریب نہ صرف پاکستانی کمیونٹی کے اتحاد کی علامت بنی بلکہ اس بات کا ثبوت بھی تھی کہ دنیا نیوز بیرون ملک بسنے والے پاکستانیوں کی آواز بن کر اپنا کردار موثر انداز میں ادا کر رہا ہے۔
رپورٹ: شاہد گھمن، نمائندہ دنیا نیوز روس
Shahid Ghumman, Correspondent Dunya News Russia

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
