عالمی یوم فائر فائٹرز 4 مئی، روسی فائر فائٹرز پر براہ راست رپورٹ

روس میں فائر فائٹنگ سسٹم کیسے کام کرتا ہے اور حکومت کی جانب سے اس ادارے کو کیا سہولیات فراہم کی جاتی ہیں، اس بارے میں عالمی یوم فائر فائٹرز 4 مئی پر خصوصی رپورٹ پیش کی گئی ہے۔ دنیا کے ترقی یافتہ ممالک کی طرح روس میں بھی آگ بجانے کے لیے ایک زبردست نظام موجود ہے جسے روس کی ہنگامی صورتحال کی وزارت کنٹرول کرتی ہے۔ آگ سے حفاظت کی سرگرمیوں کو دس سے زیادہ وفاقی قوانین اور روسی فیڈریشن کی حکومت کے قانونی اقدامات کے ذریعے منظم کیا جاتا ہے۔ آگ بجھانے کے لیے فائر فائٹرز، فائر بریگیڈ، فائر بوٹس، ہیلی کاپٹر اور دیگر جدید آلات استعمال کیے جاتے ہیں۔ چونکہ آگ ہمیشہ غیر متوقع طور پر لگتی ہے، فائر فائٹر کو بیس سیکنڈ کے اندر خصوصی لباس پہننا ہوتا ہے۔ یہ لباس سٹیل سے پانچ گنا زیادہ مضبوط ہوتا ہے اور عملہ دس منٹ میں سائٹ پر پہنچ جاتا ہے۔ پورے ملک میں ریسکیو یونٹ سالانہ بیس لاکھ دورے کرتے ہیں جن میں نوے ہزار سے زائد افراد کو اور بیس بلین روبل سے زائد مالیت کے اثاثوں کو بچایا جاتا ہے۔ روس کی فائر سروس کی سب سے اہم سرگرمیوں میں سے ایک آگ کی نگرانی کرنا ہے۔ اس سلسلے میں سالانہ پندرہ لاکھ فائر سیفٹی کنٹرول کے اقدامات کیے جاتے ہیں جن سے سالانہ ساڑھے چار لاکھ مقامات کو آگ لگنے سے روکا جاتا ہے اور پینتیس سے پینتالیس بلین روبل مالیت کے مادی اثاثوں کو محفوظ کیا جاتا ہے۔

رپورٹ: شاہد گھمن، نمائندہ 92 نیوز
Shahid Ghumman, Correspondent 92 News