روسی اثاثوں سے یوکرائن کو قرضوں پر روس کا ردعمل، براہ راست بیپر

مجموعی روسی اثاثوں سے یوکرین کو پچاس ارب ڈالر کا قرض دینے پر روس خاموش نہیں رہے گا۔ روس کے خلاف اس اقدام کے نتائج یورپی ممالک کو بھگتنا پڑیں گے۔ روسی وزارت خارجہ کی ترجمان ماریہ زخارووا کا کہنا ہے کہ یورپی ممالک کے بھی روس میں کافی اثاثے ہیں اور ہم انہیں ضبط کر سکتے ہیں۔ روس نے جی سیون ممالک کی جانب سے منجمد روسی اثاثوں سے یوکرین کو پچاس ارب ڈالر قرض دینے کی منظوری پر شدید ردعمل ظاہر کیا ہے۔ روسی وزارت خارجہ کی ترجمان ماریہ زخارووا نے کہا ہے کہ مغرب کا روس کے منجمد اثاثوں سے حاصل ہونے والی آمدنی لینا جرم ہے اور یوکرین کو یورپی اقدام پر روس کی جانب سے شدید ردعمل کا سامنا کرنا پڑے گا۔ انہوں نے کہا کہ سات ممالک نے یوکرین کو پچاس بلین ڈالر کا ایک اور قرض فراہم کرنے کا وعدہ کیا ہے جو تین سو بلین ڈالر کے منجمد اثاثوں سے حاصل ہونے والی آمدنی سے دیا جائے گا جس پر ہم خاموش نہیں رہیں گے۔ روس کے خلاف اس اقدام کے نتائج یورپی یونین کو بھگتنا پڑیں گے۔ انہوں نے کہا کہ ایسا اقدام مغرب کو کسی اچھائی کی طرف نہیں لے کر جائے گا۔ اس اقدام سے مالیاتی نظام میں عدم توازن اور بحران بڑھیں گے اور ان نظامی خطرات کا بوجھ یورپی یونین کو برداشت کرنا پڑے گا۔ ماریہ زخارووا کا کہنا تھا کہ روس میں بھی کافی یورپی اثاثے موجود ہیں اور یورپ کے لیے انتقامی اقدامات انتہائی تکلیف دہ ثابت ہوں گے۔ ان کا کہنا تھا کہ امریکی صدر مغرب کا روس سے تصادم کرانا چاہتے ہیں اس لیے بائیڈن اقتدار میں رہنے کے لیے مغرب کو روس کے خلاف اکسا رہے ہیں۔ ان کا یہ بھی کہنا تھا کہ بظاہر یہ امریکی حکام کے لیے فائدہ مند تو ہے لیکن یورپی یونین کی معیشت کو کمزور کرنے کی کوشش کی جا رہی ہے۔ ماریہ زخارووا کا مزید کہنا تھا کہ نیٹو کے تمام ممالک کے لیے یوکرین کو ہتھیاروں کی فراہمی ختم ہونی چاہیے کیونکہ یوکرین کو ہتھیاروں کی فراہمی نقصان دہ ثابت ہو گی۔

رپورٹ: شاہد گھمن، نمائندہ 92 نیوز
Shahid Ghumman, Correspondent 92 News