دارالحکومت ماسکو میں کورونا وائرس کے مریضوں کی تعداد104189ہوچکی ہے جبکہ 1010افراد ہلاک
روسی صدر ولادیمیر پوتن نے روسی عوام کو پیغام دیا ہے کہ کورونا وائرس کے خلاف متحد ہوئے بغیر اس کا مقابلہ نہیں کیا جا سکتا۔ انہوں نے کہا کہ روس بہت جلد کورونا وائرس کو شکست دے دے گا۔ صدر پوتن نے گزشتہ روز دوسری عالمی جنگ میں فتح کی پچھتر ویں سالگرہ کے موقع پر خطاب کرتے ہوئے روسی عوام سے کہا تھا کہ آپ لوگ کورونا وائرس کے خلاف متحد ہو جائیں۔ انہوں نے کہا کہ جب ہم ایک ساتھ کھڑے ہوتے ہیں تو ہم کامیاب ہوتے ہیں۔ روس میں گزشتہ چوبیس گھنٹوں کے دوران کورونا وائرس سے ایک سو چار افراد ہلاک جبکہ دس ہزار آٹھ سو سترہ افراد اس سے متاثر ہوئے ہیں۔ دارالحکومت ماسکو میں کورونا وائرس کے مریضوں کی تعداد ایک لاکھ چار ہزار ایک سو نواسی ہو چکی ہے جبکہ ایک ہزار دس افراد ہلاک ہو چکے ہیں۔ اس طرح روس بھر میں متاثرہ مریضوں کی کل تعداد ایک لاکھ اٹھانوے ہزار چھے سو چھہتر جبکہ مرنے والوں کی کل تعداد ایک ہزار آٹھ سو ستائیس ہو چکی ہے۔ دوسری جانب سینٹ پیٹرزبرگ کی انتظامیہ نے بھی اکتیس مئی تک لاک ڈاؤن میں توسیع کر دی ہے۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
