قازان کی سفیداور آسمانی رنگ کے خوبصورت امتزاج سے بنی مسجدقل شریف کی عمارت دیکھنے والوں کو اپنے سحر میں جکڑ لیتی ہے،تفصیلی رپورٹ
روس کے شہر کازان میں واقع خوبصورت مسجد قل شریف فن تعمیر میں اپنی مثال آپ ہے۔ سفید اور آسمانی رنگ کے خوبصورت امتزاج سے بنی مسجد قل شریف کی عمارت دیکھنے والوں کو اپنے سحر میں جکڑ لیتی ہے۔ خوبصورت محرابیں، بلند مینار اور منفرد طرز تعمیر مسجد کی بناوٹ کا طرہ امتیاز ہے۔ مسجد کی تعمیر کب اور کیسے ہوئی، مکمل تفصیلات جانتے ہیں روس سے ہمارے نمائندے شاہد گھمن کی اس رپورٹ میں۔ روس کی جمہوریہ تتارستان کے دارالحکومت اور سب سے بڑے شہر کازان میں واقع خوبصورت مسجد قل شریف فن تعمیر میں اپنی مثال آپ ہے۔ شہر کی تیرہ لاکھ کے قریب آبادی میں سے نصف تتاری مسلمان ہیں جبکہ ترک مسلمانوں کی بھی نمائندہ تعداد یہاں مقیم ہے۔ مسجد قل شریف مسجد احمد قادیروف گروزنی کے بعد روس کی دوسری سب سے بڑی مسجد ہے۔ اسے سولہویں صدی میں روایتی وولگا اور بلغاریہ کے انداز میں تعمیر کیا گیا جبکہ یورپی نشاۃ ثانیہ کے اولین دور کا آسمانی انداز بھی اپنایا گیا۔ سفید اور آسمانی رنگ کے خوبصورت امتزاج سے بنی مسجد قل شریف کی عمارت دیکھنے والوں کو اپنے سحر میں جکڑ لیتی ہے۔ داخل دروازے کے ساتھ ہی مسجد کا انتہائی خوبصورت ماڈل آنکھوں کو خیرہ کرتا ہے۔ رنگین شیشوں سے مزین فانوس مسجد کے مرکزی ہال کی شان بڑھا رہا ہے جبکہ اندرونی دیواریں اور کھڑکیاں فن تعمیر کا شاندار نمونہ ہیں۔ مسجد کے چار مینار اور ایک گنبد ہے۔ یہاں لائبریری اور امام آفس بھی موجود ہے جبکہ مسجد میں تقریباً چھے ہزار نمازیوں کی گنجائش ہے۔ 1550 عیسوی میں قازان کے سقوط کے بعد روسیوں نے اس مسجد کو شہید کر دیا تھا۔ تتار دانشوروں کا کہنا ہے کہ قل شریف مسجد کے چند عناصر ماسکو میں قائم مشہور سینٹ بازل گرجے میں بھی دیکھے جا سکتے ہیں جن میں آٹھ مینار اور ایک مرکزی گنبد شامل ہے جو روایتی روسی طرز تعمیر سے مطابقت نہیں رکھتا۔ انیس سو چھیانوے میں اس مسجد کی دوبارہ تعمیر کا آغاز ہوا جو جدیت طرز تعمیر کی حامل ہے۔ قل شریف مسجد کا افتتاح چوبیس جولائی 2005 کو ہوا جس کی تعمیر کے لیے سعودی عرب اور متحدہ عرب امارات نے کثیر امداد مہیا کی۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
