سفارتخانہ پاکستان ماسکو کی جانب سے سینٹ پیٹرزبرگ میں کثیر تعداد میں راشن بھجوایاگیا جہاں پر جان محمد خان اور ان کی ٹیم نے 101 پاکستانیوں میں راشن تقسیم کیا
سفارتخانہ پاکستان ماسکو کی جانب سے سینٹ پیٹرزبرگ میں کثیر تعداد میں راشن بھجوایا گیا جہاں پر پاکستان ایسوسی ایشن سینٹ پیٹرزبرگ کے صدر جان محمد خان، ڈاکٹر مختار، داؤد شاہ اور ان کی ٹیم نے ایک سو ایک پاکستانیوں میں راشن تقسیم کیا۔ راشن کے الگ الگ بیگ بنائے گئے جو اوورسیز پاکستانیوں میں بانٹے گئے۔ پاکستان ایسوسی ایشن سینٹ پیٹرزبرگ کے صدر جان محمد خان نے اس موقع پر اوورسیز پاکستانیوں کو بھرپور سپورٹ کی یقین دہانی کرائی۔ کرونا کی وبا جس ملک میں ہم رہ رہے ہیں، روس میں بھی تیزی سے پھیل رہی ہے اور اس کی وجہ سے روز میں کاروباری سرگرمیاں ماند ہو چکی ہیں۔ اس صورتحال میں اوورسیز پاکستانی کمیونٹیوں کو سخت مشکلات کا سامنا ہے، کاروبار اور روزگار بند ہونے کی وجہ سے کئی پاکستانی تکلیف دہ صورتحال سے گزر رہے ہیں۔ مصیبت کی اس گھڑی میں روس میں موجود پاکستانی سفارتخانہ مخیر حضرات کی مدد سے اوورسیز پاکستانیوں کی بھرپور مدد کر رہا ہے۔ سفارتخانہ پاکستان ماسکو روس بھر میں رہنے والے پاکستانیوں کی نہ صرف مدد میں مصروف ہے بلکہ پاکستانیوں کے ساتھ مسلسل رابطے میں بھی ہے۔ اس وقت روس میں کرونا سے پانچ لاکھ سے زائد افراد متاثر ہو چکے ہیں جبکہ اس مہلک وائرس کے ہاتھوں چھے ہزار سات سو پندرہ افراد جان کی بازی بھی ہار چکے ہیں۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
