روسی صدر پیوٹن اور امریکی صدر ٹرمپ کی ملاقات 16جولائی کو فین لینڈ کے شہرہیلسنکی میں ہوگی
امریکی صدر ڈونلڈ ٹرمپ کی روسی ہم منصب ولادیمیر پوتن کے ساتھ ملاقات کا باضابطہ اعلان کر دیا گیا ہے۔ دونوں صدور فن لینڈ کے شہر ہیلسنکی میں ملاقات کریں گے۔ امریکی صدر ڈونلڈ ٹرمپ اور ان کے روسی ہم منصب ولادیمیر پوتن سولہ جولائی کو فن لینڈ کے شہر ہیلسنکی میں پہلی باضابطہ سربراہی ملاقات کریں گے۔ کریملن اور واشنگٹن کے حکام نے بھی ملاقات کی تصدیق کر دی ہے۔ روسی صدر ولادیمیر پوتن کے معاون نے ملاقات کی تفصیل بیان کرتے ہوئے کہا کہ دونوں صدور کے درمیان ہونے والی ملاقات کئی گھنٹوں پر مشتمل ہوگی جبکہ ناشتے سے لے کر پروٹوکول اور ملاقات تک کے تمام معاملات بھی طے پا چکے ہیں۔ ملاقات میں عالمی مسائل، ہتھیاروں کا کنٹرول، دو ہزار سولہ میں امریکی انتخابات میں روسی مداخلت اور روس کی جی ایٹ میں واپسی سمیت دیگر اہم معاملات پر بات چیت ہوگی۔ عالمی مبصرین کے مطابق دنیا کی دونوں بڑی طاقتوں کی ملاقات عالمی برادری کے لیے بہت اہمیت کی حامل ہے۔ امریکی صدر ڈونلڈ ٹرمپ کے مشیر جان بولٹن کا کہنا ہے کہ ٹرمپ اور پوتن کے درمیان براہ راست ملاقات امریکہ کے بہترین مفاد میں ہے۔
رپورٹ: شاہد گھمن، نمائندہ 92 نیوز
Shahid Ghumman, Correspondent 92 News

شاہد گھمن پاکستان کے سینئر صحافی، تجزیہ کار، کالم نگار اور بین الاقوامی امور کے ماہر ہیں۔ وہ اس وقت پاکستان کے صفِ اول کے نیوز چینل دنیا نیوز کے نمائندہ برائے روس کی حیثیت سے ماسکو میں خدمات انجام دے رہے ہیں اور اردو نیوز پلیٹ فارم وائس آف رشیا کے ایڈیٹر بھی ہیں۔
انہوں نے 1996ء میں اپنے صحافتی سفر کا آغاز کیا اور پاکستان کے مختلف معتبر اخبارات، خبر رساں اداروں اور ٹیلی وژن چینلز کے ساتھ کام کیا۔ شاہد گھمن نے 2017ء سے فروری 2025ء تک 92 نیوز کے نمائندہ برائے روس کی حیثیت سے خدمات انجام دیں، جبکہ فروری 2025ء سے وہ دنیا نیوز کے لیے روس سے رپورٹنگ کر رہے ہیں۔
شاہد گھمن 2018ء سے روسی وزارتِ خارجہ کے ساتھ باقاعدہ ایکریڈیٹڈ غیر ملکی صحافی ہیں۔ روس کی داخلی و خارجہ سیاست، پاکستان اور روس کے تعلقات، وسطی ایشیا، بین الاقوامی سفارت کاری، دفاع، توانائی اور جغرافیائی سیاست ان کی صحافتی دلچسپی اور تخصص کے اہم شعبے ہیں۔
وہ اپنی رپورٹس، کالموں، خصوصی انٹرویوز اور تجزیوں میں درست معلومات، حقائق پر مبنی تحقیق اور متوازن نقطۂ نظر کو بنیادی اہمیت دیتے ہیں۔
Shahid Ghumman is a senior Pakistani journalist, analyst, columnist and international affairs specialist. He is currently based in Moscow, serving as the Russia Correspondent for Dunya News, one of Pakistan’s leading news channels. He is also the Editor of the Urdu-language news platform Voice of Russia.
He began his journalistic career in 1996 and has worked with several respected Pakistani newspapers, news organizations and television channels. He served as the Russia Correspondent for 92 News from 2017 until February 2025 and has been reporting from Russia for Dunya News since February 2025.
Shahid Ghumman has been officially accredited as a foreign correspondent by the Ministry of Foreign Affairs of the Russian Federation since 2018. His principal areas of coverage include Russia’s domestic and foreign policy, Pakistan-Russia relations, Central Asia, international diplomacy, defence, energy and geopolitics.
Through his reports, columns, exclusive interviews and analyses, he remains committed to accurate information, fact-based research and balanced journalism.
